பிரபலமான இடுகைகள்

புதன், 29 ஆகஸ்ட், 2012

தளபதியின் பக்குவம் - சட்டசபையில்


ஜெயலலிதா- விஜயகாந்த்  ஆக்ரோஷ சட்டசபை சினிமா காட்சியை நினைவில் நிறுத்திக் கொண்டு இதை படியுங்கள் .

காலையில் கேள்வி நேரத்திலேயே கழகத்தை வம்புக்கு இழுக்கும் அதிமுக வின் வேலை நடந்தது . தனது தொகுதி குறித்து கேள்வி கேட்க வேண்டிய உறுப்பினர் சம்பந்தமில்லாமல் ' மைனாரிட்டி திமுக ஆட்சி ' என்று ஆரம்பித்தார். கழக உறுப்பினர்கள் எழுந்து கடும் எதிர்ப்பு தெரிவித்தோம் . கேள்வி நேரத்தில் குற்றச்சாட்டு,விமர்சனம் இருக்க கூடாது என்பது விதி , அதை சுட்டிக் காட்டினோம் .

தளபதி அவர்கள் எங்களை அமர சொல்லி அமைதி படுத்தினார்.
குறுக்கிட்டு எழுந்த அமைச்சர்களும் ' மைனாரிட்டி அரசு தானே ' என ஏகடியம் செய்ய , மீண்டும் எழுந்த அதிமுக உறுப்பினர் சக்தி , அதையே திரும்பவும் சொல்ல , கழக உறுப்பினர்களிடம் கொந்தளிப்பு ...

சபாநாயகர் இது என்ன  unparliamentary word ஆ எனக் கேட்க சூடு அதிகரித்தது .
அமைதியாக எழுந்த தளபதி அவர்கள் , " அது unparliamentary word அல்ல தான். எங்களுடைய அரசும் மைனாரிட்டி எண்ணிக்கை கொண்ட அரசாகத் தான் இருந்தது . ஆனால் ஐந்து வருடம் ஆட்சி செய்தோம் . அதை கணக்கிலெடுத்துக் கொள்ளுங்கள் " என்று அழுத்தமாக சொல்லி விட்டு அமர்ந்தார்.

வேண்டுமென்றால் பெரிய பிரச்சினையாக்கி இருக்கமுடியும்....

சபையில் மூன்று தலைவர்களும் ( தளபதி, ஜெயலலிதா, விஜயகாந்த் ) நடந்த விதத்தை ஒப்பிட்டு பார்த்துக் கொள்ளுங்கள், நீங்களே ......

கருத்துகள் இல்லை:

கருத்துரையிடுக